سلطان ببرائه مصطنعه : عاوز ابوس بنتي قمر : طب ابعد عني انا مالي . متبوسها سلطان : مش انتي امها و خلفتيها برضو تستاهلي بوسه كبيره اوووي. بعدت بغيظ وحطت بنتها وهي تحاول تبعد لكنه صدمها لما شدها وباسها بحب وشوق وسند جبينه على جبينها وهو بينهج وبيقول : هتوحشيني اووي كنت مستني تخلفي عشان نخلص من المشاكل دي كلها اول ما ارجع اوعدك كل حاجه هتبقى احسن ثقي بيا ياقمر … هزت راسها بهدوء وهو باس جبينها وهمس لها هحاول ارجع بدري.

ماشي قال كلامه وخطف بوسه بسرعه ومشي وهو حاسس ان خلاص كل حاجه هتتحل… ******** سلمى في الجنينه : عملتلك قهوه مهاب وهو بيدخن : تسلم ايدك سلمى : مهاب. مهاب : همم سلمى : مينفعش تفضل كده مهاب : كده اللي هو ازاي سلمى : انا حساك لسا يعني متأثر على سماح الله يرحمها.

. مهاب خد نفس من السيجاره بقوه وهو بيبص سلمى….. سلمى : مهاب انت مش لازم تفضل كده .. الحياة لسا فيها حجات حلوه تتعاش مهاب : زي ايه .. سلمى بتوتر : مش عارفه مهاب بجديه :سلمى. سلمى ايووا مهاب تنهد وتكلم : انا حاسس بيكي من زمان سلمى بخجل : مش فاهمه مهاب وهو بيطفى السيجاره بتاعته : حتى قبل ما اتجوز سماح بس اللي بتفكري فيه ده مستحيل يكون سلمى بحرج : انا ما بفكرش بحاجه.

الأكثر قراءة الان

رواية قمري ج1منذ 3 أيام

. مهاب ،: انا حافظك صم يا سلمى لكن هقولهالك لأخر مره اللي بتفكري فيه ده مستحيل يحصل وشيليه من نفوخك.. سلمى بحرج ودموعها كانت هتنزل : انا انا مش بفكر بحاجه بعد اذنك وطلعت جري على أوضتها وهي مكسوفه ودموعها نزلت غصب عنها … ********* مر اسبوع دخل سلطان البيت كان الوقت نص الليل كانت قمر وحشاه جدا خد بيت جديد عشان ينقل عليه هو وقمر وجاي عشان يبلغها بده ومبلغهاش أنه راجه النهارده من القاهره .

.دخل الاوضه بتاعتها ومكنتش موجوده وبنته نايمه باس بنته بحب ونزل يدور عليها مكنش ليها اي اثر.. دور البيت كله مكنش ليها اي اثر طلع اوضتها عاوز يستناها لكنه سمع صوتها خارج من اوضت يعقوب حاول يكدب نفسه بس فتح الباب واتصدم لما شافها هي ويعقوب على سر,,ـــــير واحد لابسه قميص نوم فاضح ويعقوب صدـ,,ـــره عاري وووو يتبع # #بقلم_إيلا_إبراهيم الفصل التاسع عشر كانت قمر بين ادين اخوه وهو بيبوسها وهي متجاوبه معاه وعايشين بعالم تاني.

. وسلطان يحاول يصرخ يتحرك مايعرفش وميخرجش صوته لحد مافاق من نومه ..بخضه .. مسح وشه بارتباك وقلبه بيضـ,ـرب جامد جدا.. الكابوس ده بقاله من ساعت ماجي القاهره وهو ملازمه ممكن يكون من كتر الرسائل اللي بتجيله وبتبلغه أن قمر ويعقوب في علاقة حب عشان كده قمر رافضه قربه منها طول الفتره اللي فاتت .

. حمد ربه أنه كان منام وخرج فونه وشاف اتصال من البنت الشغاله اللي مشغلها تراقب غرفة قمر هو بيثق بيها اووي ..ورجع اتصل بيها تاني.. سلطان : الووو البنت : ايوه يا بيه .. سلطان بتوجس : ايه الاخبار عندك.. البنت بتوتر : والله مش عارفه اقولك ايه.